Tag Archives: დაბადების დღე

Happy, Many Birthday!!

22 Jul

ალბათ ყველას ყავს საყვარელი ადამიანი/ები, რომლის დაბადების დღეც განსაკუთრებით გახარებთ, განსაკუთრებულად გულით ულოცავთ და განსაკუთრებით საუკეთესო სურვილებს უსურვებთ ხოლმე…

დღეს კი,ერთ-ერთი ასეთივე ძვირფასი ადამიანის, ჩემი დაიკოს დაბადების დღეა და არ შემიძლია მას ყოველივე გრანდიოზულად კარგი არ ვუსურვო და არ ვუთხრა, რომ ასევე გრანდიოზულად მიყვარს 😀 Kiss, Love, Hug!!!

ჩემი “სისტრიჩკა”

დაბადების დღე ვახსენე და დღეს GoogleNews-ით ალექსანდრ ქოლდერი-ს დაბადების დღეცაა (Alexander CalderJuly 22, 1898 – November 11, 1976), მოქანდაკე, რომელმაც მსოფლიო აღიარება ე.წ. “მობილურით” მოიპოვა-კინესტეტიკური მოწყობილობა, რომელიც მოძრაობაში მოდის დენის ან ქარის მეშვეობით…ბევრი რომ არ ვიბოდიალო, ფოტოსაც დავურთავ 😀

New Day, New Age

25 May

გავაცილე 23 მაისი, მაგრამ შევხვდი დაბადების დღის მეორე დღეს 😀 სამსახური, ტრადიციული ტორტი…სამსახურიდან მენეჯერს ადრე დავეთხოვეთ, რადგან ერეკლეს, ინას და ანის (უნი-ს ჯგუფელები და მეგობრები) ასევე თეატრალურის სხვა სტუდენტებს გამოფენა ჰქონდათ “აკადემია+”-ში, საგამოფენო, რომელიც ტკბილად მახსენდება უნივერსიტეტში ჩატარებული გამოფენებისას 🙂 ძალიან სასიამოვნო იყო ბავშვების ნახვა, მართლა ბედნიერი ვარ როდესაც მათ ვხედავ, სამწუხაროდ ამას ხშირად არ ვაკეთებ ხოლმე.

გამოფენასთან ერთად პირველი კურსის სტუდენტ ტატო სულაქველიძის და თედო გოგოლაძის მოკლემეტრაჟიანი ფილმის,”ადამიანი…რომელმაც აირჩია”, ჩვენება იყო, რამაც ნამდვილად მომხიბლა, რადგან მშვენივრად დადგმული სცენარი,კარგი იუმორი, ტექნიკური გამართვა იყო, იმის მიუხედავად როგორი პირობრბი აქვთ თეატრალურში, ასე თუ გააგრძელეს და ჰქონდათ ამბიცია კარგად იმუშაონ მშვენიერ ქართულ ფილმებს მივიღებთ!

ფოტოების გადაღების და ძველი ხუმრობების გაგრძელების შემდეგ:

…”Parfois”, ქალთა აქსესუარების მაღაზია, რომელიც რამოდენიმე ხანია გახსნილია სავაჭრო ცენტრ “ქარვასლაში” და რომელიც 23-ში გაიხსნა ჭავჭავაძეზე, მათი რამოდენიმე ჩანთა მაქვს და ძალიან მომწონს, მომსახურეობაც კარგი აქვთ და დროდადრო მეტად მიმზიდველ საჩუქრებსა თუ ფასდაკლებებს სთავაზობენ ჩემნაირ მეტიჩრებს და არა მარტო! ასე რომ ახალგახსნილში კარგად ვიცოდი, რაღაც შეთავაზებები იქნებოდა და შევძვერი და თემოც შევიყოლე 😀 უჰ!!! სამაჯურები, ჭრელა-ჭრულა შარფები და ჩანთები!! საყვარლები!!! იქიდან გამომდინარე, რომ ჩემი დაბადების დღის მეორე რღე იყო, თემომ გადაწყვიტა აეღნიშნა და შარფი და უუულამაზესი საფულე დავიმსახურე, Parfois-ისაგან კი-საყურე პაწაწა პეპლებით, თან კონკურსი აქვთ facebook-ზე, შეგიძლია ნებისმიერი ნივთი ჩამოიმხო ან აიკიდო და ფოტოს გადაგიღებენ, შემდეგ “გამოგაჭენებენ” facebook-ზე და like-ბით საზღვრავენ გამარჯვებულს, იმდენად კონკურსმა არა, რამდენადაც აკინძვამ მომხიბლა, შევარჩიე ჩემი ჩაცმულობისათვის ასე თუ ისე შესაფერისი ჩანთა და სამაჯურები და “ჩავკარტოჩკდი”,შემდეგ კი ისევ მომშივდა და…

…”Segafredo“- უუუგემრიელესი ქათმის ფილე ანანასის სოუსით, Cosmopolitain-ძალიან, ძალიან მაგარი და თუ მანამდე არ მითქვამს იმასაც ვიტყვი რომ fries-იც უმაგრესი აქვთ 🙂

სეგაფრედოდან გადავწყვიტეთ გეზი ინასკენ, wheels-ში აგვეღო, იქაც ვისხედით, ინა ლუდ Guiness-ით გამიმასპინძლდა, ბევრი ამბავი გავიხსენეთ და ბევრიც ვიხალისეთ, ფოტოებიც გადავიღეთ 🙂

სახლში მოსული, კი ისეთი გათიშული ვიყავი, წინა პოსტი ძლივს ავტვირთე :)ქვემოთ კი 24-ში გადაღებული ფოტოების სლაიდი 🙂

This slideshow requires JavaScript.

20110526-012444.jpg

20110526-012452.jpg

One Day, One Story

25 May

დავიწყე პოსტი დაბადების დღეზე და ისეთი დაღლილი ვიყავი ემოციურადაც და ფიზიკურადაც, რომ მხოლოდ ფოტოებით  და ერთი წინადადებით შემოვიფარგლე 🙂 ეხლა გიამბობთ ჩემს ოქროს დაბადების დღეზე სრულად…

ჩემი დაბადების დღე, ანუ 23 მაისი, 12 საათიდანვე სასიამოვნოდ დაიწყო, 12 საათს ჩემს დებთან და დედასთან skype-თი ვიდეოკონფერენციით შევხვდი, რასაც ორივე მხრიდან სმა მოჰყვა, ძალიან დასამახსოვრებელი საღამო იყო, როდესაც ვიდეოთვალს შევსებულ ჭიქებს “ვიჭახუნებდით” ამას თან ერთვოდა პარალელური რეჟიმით თემოსთან საუბარი და ტელეფონით მილოცვები, ასევე facebook-ოც არ სდუმდა 🙂 მოკლედ უკვე კარგად შეზარხოშებულს პირდაპირ თვალის მოხუჭვა დამჭირდა, რადგან ვიწექი და ისე ვქეიფობდი 😀 ძალიან მაგარია, მთვრალს სულ არ გჭირდება ბევრი ბოდიალი.

გაღვიძებისთანავე დავიწყე რეკვა ჰეარ ჰაუსში(ამ სილამაზის სალონისშესახებ ბევრი მსმენია taa.ge-დან და sweet.ge-დან),რომლის შესახებაც ცალკე პოსტი მინდა დავწერო, მაგრამ ერთს ვიტყვი, რომ ძაან საყვარელი გოგოები არიან 🙂 სალონში ხანგრძლივი დროის დაყოფის შემდეგ, დადგა დრო საჩუქრების მეორე ეტაპისა, ფოტოებში ნახავთ მანქანაში დაწყობილ საჩუქრებს, რა თქმა უნდა, ყველა ჩემია 😀 ერთ-ერთ მათგანში ჩემი ნანატრი Christian Louboutin-ის ოქროსფერი ფეხსაცმელია, მეორეში კი არანაკლებ სასურველი სამფეხა, ეხლა საშუალება მექნება ყოველი ჩემი “პრიკიდი” გადავიღო და არ ვიწვალო 🙂 ყვავილები?! როგორი სურნელი ჰქონდა, ვინც იცით რომ გერბერი მიყვარს, ისიც იცოდეთ, რომ მათი მოტანის მცდელობა იყო, მხოლოდ ეხლა გერბერის დრო არ ყოფილა 😀

მოკლედ ზღვა ემოციის შემდეგ, რომელიც გამოვხატე და ვერ გამოვხატე, “შემოლამაზებული” ვარცხნილობით სახლში ავცუნცულდი გამოსაპრანჭად, Lou. ვერ გავიმეტე, თან სამოსი მჭირდება, განსაკუთრებულს ხომ განსაკუთრებული სამოსი უნდა, სამაგიეროდ არჩაცმული ე.წ. Plum ჩავიცვი და ვარდისფერი კაბა, რომლებიც ძალიან შეეფერენ ერთმანეთს 🙂

რაც შეეხება Lou-ს, მას წინ მთელი ისტორია უძღვის:იმ დროს როდესაც თემომ იგი ჩემთვის შეუკვეთა და გულმა ვერ გაუძლო, მაინც გამიმხილა საიდუმლო,სიხარულისაგან მოსასულიერებელი ვიგებ რომ ზომა 36-ია, რომელიც  დიდი უნდა მქონოდა,მთელი ჩემი პანიკისა და ისტერიკების შემდეგ, მატყობინებს, რომ ფეხსაცმელი გადაცვლილია და ველი 35, ამ ზომას ნამდვილად ველი, მაგრამ არა გაცვლილს, არამედ მეორეს, აღმოჩნდა, გადაცვლის შანსი არ ყოფილა და თემომ მეორე შეუკვეთა, ასე რომ ორი Louboutin-ის ოქროსფერი ფეხსაცმელი მექნება მხოლოდ სხვადასხვა ზომის, რომელიც ასევე დაბადების დღეს გავიგე.

წავედით PR. სკოლაში: შესვლისას ძალიან დადებითი ემოცია შემხვდა, არ ვიცი მე ვიყავი ასეთ განწყობაზე თუ ასე შემხვდენენ, ძალიან მესიამოვნა, ანანოს(ჯგუფელი PR.სკოლაში)დიდი მადლობა, რომ facebook-ის გვერდზე დაპოსტა ჩემი დაბადების დღის შესახებ, შეიძლება განსაკუთრებული ბეევრისათვის არაფერი მომხდარა, მაგრამ ყურადღებაა, თან მე ხომ ძალიან მიყვარს ყურადღების ცენტრში ყოფნა და კომპლიმენტები 😀 ასე რომ არც ერთი დამაკლდა და არც მეორე 😀 საჩუქარიც კი მივიღე, ზარაფხანას უსაყვარლესი ბალერინა ქანდაკება და თაიგული, მოკლედ რომ ვთქვა ჭკუაზე არ ვიყავი, თან თმები?! აი თმებზე თუ მეტყვიან კარგიაო, ამას არასოდეს ვივიწყებ, მე კი ძალიან ბევრი ასეთი შინაარსის წინადადება მოვისმინე, ლექციაზე ალბათ პირველი არ ვიქნები, ვინც იტყვის, რომ ძალიან საინტერესო იყო, მედია-მენეჯმენტი, რომელსაც ზვიად ქორიძე კითხუობს 🙂

ეხლა კი საღამოს დასკვნით ეტაპზე გადავდივარ, ვახშამი ორისათვის, რესტორან Belle Ville-ში, ულამაზესი და უმყუდროვესი ადგილი, ქიაჩელის 26-ში, ალბათ ორშაბათი დღის გამო სულ ცარიელი იყო, მაგრამ ეს ჩვენს წისქვილზე ასხამდა წყალს 🙂 სპაგეტი, ქათმის სალათი, სტეიკი, ჭიქა წითელ ღვინოსთან; დამღლელი, ემოციური დღის შემდეგ ზუსტად ის იყო რაც გვინდოდა. უკვე 12-ის ნახევარზე, მოვინდომე, სანთლის ჩაქრობა, ჩემი საყვარელი რიტუალია დაბადების დღისას.ამისათვის უახლოესი Goodwill-ი აღმოჩნდა,პაწაწა ნამცხვარუკა ვიყიდეთ და დაბადების დღის სანთლის არქონის გამო ნამცხვრისხელა ჩვეულებრივი, ფერადი სანთელი ვიყიდეთ,თან ვნერვიულობდი ვერ მოვასწრებთ-მეთქი, მაგრამ სანთელი 12:55 წუთზე ჩავაქრე 😀 თან სურვილიც ჩავიფიქრე და ამით გავაცილე ჩემი დაუვიწყარი დღე 🙂

Happy Birthday To Me

24 May

უმაგრესი დღე მქონდა, დღე არა, 24 საათი.

This slideshow requires JavaScript.

თავდასხმა

22 May

ორი დღეა, რაღაც თავდასხმაა ჩემს თავს, ვიფიქრე თუ მესამედაც გაგრძელდა დავწერ მეთქი, მაგრამ სულსწრაფობამ მძლია და მესამე დღესაც აღარ დაველოდე.

ცრუმორწმუნე რომ ვიყო, ამ შემთხვევებს რაიმეს დავაბრალებდი, და ნიშანს მივაწერდი, რა ნიშანს ეგ უკვე დამოკიდებული იქნებოდა როგორ ხასიათზე ვიქნებოდი, ცუდისკენ წავიყვანდი საქმეს თუ კარგისაკენ, მაგრამ რეალურად ყველაფერს გაზაფხულს ანუ გამოღვიძებულ ბუნებას ვაბრალი.

ნუციკო(ჩემი მეგობარი)ამ ამბავს რომ გაიგებს არ გაუკვირდება, რადგან დარწმუნებული ვარ, კარგად ახსოვს ჩემი თავი ორ სკამზე ერთდროულად შემომხტარი, იატაკის ჯოხით ხელში, როგორ ვებრძოდი ოთახში შემოპარულ ხვლიკს, რომელიც ჩემი წიოკის მიუხედავად ადგილიდან არ იძვროდა, ეჰ, ნინ, სად არ იყავი დღეს, კრინტიც კი არ დამიძრავს, სანამ ათსანტიმეტრიანი კალია გარეთ არ გავსვი, უზრდელი, არც ის გეგმავდა განძრევას სანამ “ტაშტი” არ დავამხე და შემდეგ პარკი ამოვაცვი უფრო მეტი დაცულობისთვის, ვაი თუ გახვანხვალებულიყო!! მხოლოდ მაშინ ამომხდა ყვირილი, როდესაც უკვე გაძევებული კალია  პარკის ქვევიდან მიხვდა, რომ რაღაც ხდებდა მის თავს და ახტა!! იქ უნდა გენახა როგორ შევხტი და სახლში ტყვიასავით შემოვარდი.

ოჰ, ამის წინამორბედი ამბავი არ მომიყოლია…გუშინ სამსახურში წასასვლელად ვემზადებოდი, როდესაც ზურგს უკან ხმაური შემომესმა, ფანჯრის მხრიდან, უკან ნელა მივტრიალდი, ხომ იცით, საშინელებათა ფილმებში რომ ხდება და რომ ვფიქრობთ: არ  მიტრიალდე!!გაიქეცი!! გასაქცევი არსად მქონდა და მეც მოვტრიალდი, მოტრიალება იყო და…თუ არ ვცდები ჩხიკვი იყო, აი მოზრდილი მტრედისხელა,ლამაზი კი იყო ეგ ოხერი… ცხვირამდე მოფრინდა და შემდეგ უკან გაბრუნდა და ფანჯარასთან ახლო-მახლო დასკუპდა, ისე რომ თვალის შევლება მოვასწარი…

და რატო წამოვიწყე ეს პოსტი, იმისათვის რომ მეკითხა რაიმეს ხომ არ ნიშნავს-თქო? არა, ალბათ კარგი მოგონებები გამიღვიძა ამ ამბებმა და მინდოდა ნინიკოსთვისაც მეთქვა რომ ძალიან მომენატრა და აუცილებლად დავპატიჟებ მომავალში “ავტობუსოფართიზე” რომელიც დიდი ხნის წინ დავგეგმეთ…

მოკლედ,ჩემო ლამაზო ხალხო, ამ პოსტით, ტკბილ მოგონებებს გაუმარჯოოოს!! 😀

ფოტო გადაღებულია ნუცას დაბადების დღეს,2009 წელს,ერთ-ერთ ყველაზე საყვარელი დღე,ალბათ არ მიწყენს 🙂

და მაინც…

16 May

ზოგჯერ სიტყვები სანამ თითებამდე მივა და, თითები სანამ კლავიატურამდე, კლავიატურა კი სანამ თითოეულ სიტყვას ამობეჭდავს, მთელი ქაოსი სუფევს ჩემს გარშემო, რომელი პირველი სიტყვა,რომელი მომდევნო…ერთმანეთს არ აცდიან, დგება ხანი როდესაც ერთმანეთს ეხვეწებიან, რომ როგორმე ეკრანზე აღიბეჭდონ.

უამრავი იდეაა, უამრავი თემა, მე კი…ვზივარ და რაღაცეებს ვბოდიალებ…

ალბათ ჩემს ცხოვრებაში მშვიდი პერიოდია, არა გაღიზიანება, არა აღფრთოვანება,არა შფოთი,

ყველაზე მეტად კი იმის მეშინია რომ დრო მიდის, მიდის და ყველაფერს მინდა მოვეჭიდო, იქნებ მერე აღარ იყოს, არ მინდა ასაკთან ერთად ინტერესი იკარგებოდეს, არ მინდა წლების მატებასთან ერთად ხალისი მაკლდებოდეს…

მეშინია. რაღაც მისტიური და ჩემთვის საშიში, ამავდროულად სასიამოვნო და საინტერესო სასაკი მოდის ჩემს ცხოვრეაში…

უმცროსები იტყვიან, უჰ როგორ “დაბერებულაო”, უფროსები “რა დროს ასაკიაო”.

…და მაინც 23 წლის ვხდები 23-ში, ამას ოქროს დაბადების დღეს უწოდებენ, ბავშვობაში ვცქმუტავდი იმ ფაქტზე ფიქრით როგორ უნდა შევხვედროდი ამ წელს, მაგრამ ეხლა უარესად განვიცდი, რაიმე განსაკუთრებული მინდა, არა არ იფიქროთ იმიტომ ვწერ საჩუქარს ველი(ნუუ..უარს არ ვიტყვი :D)უბრალოდ ჩემში მინდა რაიმე განსაკუთრებული და განსხვავებული აღმოვაჩინო, მინდა სამუდამოდ დამამახსოვრდეს ეს დღე, მაინც ასეთი რამ ცხოვრებაში ერთხელ ხდება და ყველას არ აქვს შანსი დაამახსოვრდეეს მისი ოქროს დაბადების დღე, განსაკუთრებით მათ, ვინც თვის დასაწყისშია დაბადებული, მე კი ბედმა მარგუნა ყველაზე ლამაზ წლოვანებას შევხვედროდი ოქროს დაბადების დღით.

მოკლედ გონება მეხშობა…მეტს ვერ ვაზროვნებ თვალი რომ გადავავლე პოსტს გამიკვირდა რამდენი მიჯღაპნია…არადა სულ ტყუილად…

…და მაინც რა არის დაბადების დღე?თან ოქროს?

Happy Birthday Ice Cream

3 Apr

ვინც დღეს Google.com-ზე შევიდა, აუცილებლად ნახავდა პირველ გვერდზე გემრიელად დახატულ ნაყინს…უგემრიელეს ნაყინს…ბმულზე გაყოლისას აღმოვაჩინე, რომ დღეს Sundae ნაყინის დღეობა ყოფილა…

ზუსტად ამ დღეს, ანუ 3 აპრილს 1892 წელს, კვირა დღეს გამოიგონეს ეს ნაყინი…ჩვეულებისამებრ სანაყინეში მასზე სიროფი ასხია და დაბოლოებულია: ათქვეფილი კრემით, კენკრით,თხილით და ათასი სიგემრიელით 😀

რაც შეეხება საერთოდ ნაყინს, და ჩვენთან არსებულ სიტუაციას ჩემი საყვარელი ნაყინი “Luca Polare”-ში აღმოვაჩინე -ნუშის, თუმცა სხვადასხვა დაწესებულებაში ჩემი საყვარელი ნაყინი მაქვს. Mcdonald’s-კარამელი, Entree- ალუბლის, კიდევ ახალი სანაყინე აღმოვაჩინე რომლის ნაყინიც სამწუხაროდ ჯერ არ გამისინჯავს, როგორც ვიცი ესპანური სანაყინეა…მაგრამ ამას ასე არ დავტოვებ და ახლო მომავალში დავლაშქრავ 😀

მე კი ჩემის მხრივ ნაყინის დაბადების დღე “Segafredo”-ში აღვნიშნე, კარამელის ნაყინით, რომელსაც უგერიელესი ნუში ამშვენებდა… 🙂

20110403-100828.jpg